Орманшылар - баға жетпес ұлттық байлығымызды қорғап, келер ұрпаққа жеткізушілер. Осы орайда бүгінгі күні “Көлсай көлдері” МҰТП қызметкерлері ауылымыздың мәдениет үйінде орманшылар күнін өткізді.

Социальный сети

Жыл сайын қазан айының 3-ші жексенбісінде кәсіби мереке – орман шаруашылығы қызметкерлері күні аталып өтіледі. Аталмыш мереке 2017 жылы ҚР Үкіметінің Қаулысымен бекітілген.
Қыстың қақаған аязы мен бұрқаған боранында, жаздың аптап ыстығында табиғаттың осынау керемет сыйын көздің қарашығындай қорғап, алқапты табиғи және адам қолымен жасалатын апаттардан аман сақтау оңай шаруа емес. Орманшылар - баға жетпес ұлттық байлығымызды қорғап, келер ұрпаққа жеткізушілер. Жасыл табиғатты аялау – әрқайсымыздың міндетіміз. Осы орайда бүгінгі күні “Көлсай көлдері” МҰТП қызметкерлері ауылымыздың мәдениет үйінде орманшылар күнін өткізді. Аталған іс-шараға Кеген ауданының әкімі Теңізбаев Нұрбақыт Молдахметұлы, ауыл әкімі Сағымжан Нұрым Қайырғалиұлы және зейнет жасындағы орманшылар, мекеме басшысы Ахметов Елнұр Мұхамеджанұлы мен мекеме қызметкерлері қатысты. Аудан әкімі мекеме басшысы Елнұр Мұхамеджанұлын “Кеген ауданына сіңірген еңбегі үшін“ төсбелгісімен марапаттады. Қызметкерлер аудан әкімі , ауыл әкімі, мекеме басшысының құттықтау мақтау қағаздарымен және бағалы сыйлықтармен марапатталды. Сондай ақ аталған іс-шара қыздар арасында воллейболдан жарыспен жалғасын тапты.
Сондықтан да бар өмірін туған жерге арнап жүрген әріптестерімізге табысты еңбек және қажырлықпен атқарып жүрген жұмыстарына жақсы нәтиже, дендеріне саулық, бақыт, отбасыларына береке тілейміз! - деп жылы лебіздерін білдірді. Аталған іс-шара ауылымыздың “Ақниет” мейрамханасында орманшылар күніне жайылған дастарханмен жалғасын тапты. Видео Видео 2