Алматы облысы аумағында 2023 жылдың ақпан айының 24-і мен наурыздың 13-і аралығында «Браконьер» жедел-профилактикалық іс-шарасы өткізілуде

Шараның негізгі мақсаты – заңсыз аң аулау, ағаш кесу, су жануарларын аулау, биологиялық ресурстарды экспорттау және тасымалдау және оларды саудаға салудың алдын алу болып табылады.

«Көлсай көлдері» мемлекеттік ұлттық табиғи паркінің аумағында бұл шараға «Алматы облысы полиция департаменті, Кеген аудандық полиция бөлімі» ММ қызметкерлері учаскелік полиция инспекторы, полиция майоры Нұрбол Бекбатыров, Табиғатты қорғау инспекторы полиция капитаны Руслан Ендеев және Ұлттық парктен мемлекеттік инспектор орман қорғау инженерлерінен 5 маман және бір автокөлік жұмылдырылды. Шара барысында Орман заңнамасын бұзған азаматтар әкімшілік тіпті қажет болған жағдайда қылмыстық жауапкершілікке тартылады.