«Көлсай көлдері» мемлекеттік ұлттық табиғи паркі» республикалық мемлекеттік мекемесінің аумағына келушілердің қауіпсіздігін қамтамасыз ету мақсатында туристік соқпақтар мен маршруттардағы қауіпті аймақтар тексерілді.

Тексеріс барысында Төменгі Көлсай көлінің сол жақ және оң жақ жағалауында 2 сырғыма қауіпі бар учаскі Көлсай орманшылығының 9 орам 24 телімінде және «Қазселденқорғау» мемлекеттік мекемесінің 2,12 га. аумағында орналасқан жерде анықталды.

Осыған байланысты тиісті Акт жасалды. Адамдардың қауіпсіздігі үшін қауіпсіз аймақтар белгіленді, арнайы ескерту тақтайша жасатуға тапсырыс берілді. Қауіпті аймақтар бойынша алдағы уақытта шаралар қабылданатын болады.